Əmtəə bazarlarında qiymətli metallar üzrə qiymətlər artım nümayiş etdirib. Qızıl və gümüş fyuçerslərinin bahalaşması investorların diqqətini yenidən bu sektora yönəldib.

Finss.az xəbər verir ki, Nyu-Yorkun COMEX əmtəə birjasında qızılın bir troya unsiyası (31,1 qram) üzrə 2026-cı ilin fevral fyuçerslərinin qiyməti 0,72% artaraq 4 358,7 ABŞ dollarına yüksəlib.

Eyni zamanda, COMEX-də gümüşün bir unsiyası üzrə 2026-cı ilin mart fyuçerslərinin qiyməti də artım göstərib. Belə ki, gümüş fyuçersləri 1,30% bahalaşaraq 62,81 ABŞ dolları səviyyəsində qərarlaşıb.

Analitiklərin fikrincə, qiymətli metallar bazarında müşahidə olunan bu yüksəliş qlobal iqtisadi qeyri-müəyyənliklər və təhlükəsiz investisiya alətlərinə artan maraqla bağlıdır.