Finss.az xəbər verir ki, qlobal neft qiymətləri cümə günü günortadan sonra əvvəlki artımı geri çevirərək yenidən eniş nümayiş etdirib.

Moskva vaxtı ilə saat 14:09-a olan məlumata əsasən, London ICE Futures birjasında fevral ayı üçün Brent fyuçersləri 0,15 dollar və ya 0,24% azalaraq barel üçün 61,13 dollara düşüb.
Eyni saatlarda NYMEX birjasında yanvar ayı üçün WTI fyuçersləri 0,12 dollar və ya 0,21% azalaraq barel üçün 57,48 dollara geriləyib.

Cümə axşamı günü həm Brent, həm də WTI təxminən 1,5% ucuzlaşaraq oktyabr ayından bəri ən aşağı səviyyəyə enmişdi. Həftənin əvvəlindən etibarən isə hər iki neft markası 3%-dən çox dəyər itirib.

Analitiklər enişin əsas səbəbləri kimi qlobal təklif artımını, zəif tələbat proqnozlarını və enerji bazarlarında davam edən qeyri-müəyyənliyi göstərirlər.