Finss.az xəbər verir ki, Qərbi Avropa fond indeksləri cümə axşamı günü əvvəlki üç sessiyada müşahidə olunan yüksəlişdən sonra aşağı düşüb.

Stoxx Europe 600 indeksi 0,61% azalaraq 580,67 bala, Böyük Britaniyanın FTSE 100 indeksi 1,05%, Almaniyanın DAX indeksi 1,39%, Fransanın CAC 40 indeksi 0,11%, İtaliyanın FTSE MIB indeksi 0,08% və İspaniyanın IBEX 35 indeksi 0,23% itki ilə bağlanıb.

Böyük Britaniyanın Milli Statistika İdarəsinin (ONS) açıqladığı ilkin məlumatlara görə, ölkənin 2025-ci ilin üçüncü rübündə ÜDM artımı gözləniləndən zəif olub. ÜDM əvvəlki üç ayla müqayisədə yalnız 0,1% artıb, konsensus proqnozu isə 0,2% idi. İkinci rübdə isə artım 0,3% təşkil etmişdi. Deutsche Bank-ın Böyük Britaniya üzrə baş iqtisadçısı Sanjay Raja bildirib ki, “2025-ci ilin yayı bir qədər məyusedici olub”.