Bu gün Bakı Fond Birjasında BOKT “İnternational” ASC-nin tədavül müddəti 18 ay, nominal dəyəri 1,000 manat olan AZ2009021026 dövlət qeydiyyat nömrəli, ümumi dəyəri 1,000,000 (bir milyon) manat olan, faizli, təmin edilməmiş sənədsiz, adlı istiqrazlarının yerləşdirilməsi üzrə hərrac yekunlaşıb.

BFB-dan Fins.az-a bildirilib ki, hərrac zamanı 2 investor tərəfindən qiyməti 1000.0000 manat (13%) manat olan 2 sifariş təqdim edilib. İstiqrazların kəsmə qiyməti və orta ölçülmüş qiyməti 1000.0000 manat (13%) manat olaraq müəyyən edilib. İstiqrazların illik faiz dərəcəsi 13 %, faiz ödəniş dövrü isə hər 90 gündən bir təşkil edir.

Sifarişlərin nominal qiymətlə ümumi məbləği 1,000,000 manat, yerləşdirilmiş həcmi isə 1,000,000 manat təşkil edilib.          

Yerləşdirmə üzrə anderrayter “Paşa Kapital İnvestisiya Şirkəti” QSC-dir.

İstiqrazların ödəmə tarixi 15.07.2025-ci ildir.

Günel Məlikzadə
Fins.az