Bakı Fond Birjasında 2023-cü ilin yanvar-noyabr ayları ərzində qiymətli kağızlar üzrə keçirilən əməliyyatların ümumi həcmi 21,836,902,192 manat təşkil edib və ötən ilin müvafiq dövrü ilə müqayisədə 76% böyümə qeydə alınıb.

BFB-dan Fins.az-a verilən məlumata görə, ötən ilin müvafiq dövrü ilə müqayisədə korporativ qiymətli kağızaların ilkin bazarı üzrə ticarət həcmində 4%, korporativ qiymətli kağızların təkrar bazarı üzrə isə 6% böyümə qeydə alınıb, repo əməliyyatları üzrə 197% artım olub. O cümlədən, ötən il ilə müqayisədə korporativ qiymətli kağızların repo əməliyyatların bazarı üzrə 450% artım qeydə alınıb.

2023-cü ilin noyabr ayının son ticarət günü üzrə səhm bazar kapitalizasiyası 5,000,904,144 manat təşkil edib və ötən ilin son ticarət günü ilə müqayisədə 22%  böyümə qeydə alınıb.

BFB-nin ticarət dövriyyəsinin cədvəli:

* ARMB – Azərbaycan Respublikasının Mərkəzi Bankı      

** Tircarət günlərinin sayı –220 gün          

Günel Məlikzadə
Fins.az