İnvestorlar regiondan bir sıra iqtisadi məlumatları qiymətləndirdikcə Asiya-Sakit okean bazarları ümumiyyətlə aşağı düşür.

Fins.az Bloomberg-ə istinadən xəbər verir ki, Cənubi Koreyanın ümumi inflyasiya səviyyəsi noyabr ayında iqtisadçıların gözlədiyi 3,7 faizlə müqayisədə 3,3 faizə düşüb.

Yaponiyanın paytaxtı Tokioda inflyasiya nisbəti oktyabrda 3,3%-dən 2,6%-ya geriləyib. Tokionun inflyasiya göstəricilərinin milli tendensiyaların aparıcı göstəricisi olduğu geniş şəkildə qəbul edilir.

Caixin və SP Global də bu gün Çinin xidmətlərin satınalma menecerləri indeksini açıqlayıb və bu göstərici son üç ayın ən yüksək səviyyəsinə çatıb. Xüsusi PMI məlumatları da Honq Konq və Hindistandan gələcək.

Honq-Konqun Hang Seng indeksi 1,1 faiz, Çinin CSI 300 indeksi isə 0,56 faiz azalaraq dörd ilin minimumuna çatıb.

Yaponiyanın Nikkei 225 indeksi 1,43 faiz itki ilə Asiyada itkilərə liderlik edərkən, Topix isə 0,74 faiz ucuzlaşıb.

Avstraliyada SP/ASX 200 indeksi investorların Avstraliya Ehtiyat Bankının faiz qərarını gözləməsi ilə 0,91 faiz dəyər itirib. İqtisadçılar bankın benchmark siyasət faizini 4,35 faiz səviyyəsində saxlayacağını gözləyirlər.

Cənubi Koreyanın Kospi indeksi 0,38 faiz, kiçik ölçülü Kosdaq isə 0,19 faiz itirib.

Günel Məlikzadə
Fins.az