SEC-dən verilən açıqlamada Krakenin qeydiyyatsız fəaliyyət göstərməkdə günahlandırıldığı bildirilib.

Fins.az Bloomberg-ə istinadən xəbər verir ki, SEC-in Qiymətli Kağızlar Mübadiləsi Qanununun qeydiyyat müddəalarını pozduğu üçün Krakenə qarşı San-Fransisko federal dairə məhkəməsində iddia qaldırdığı bildirilib.

Açıqlamada Krakenin 2018-ci ilin sentyabr ayından etibarən kripto varlıqların alqı-satqısına qeyri-qanuni imkan yaradaraq yüz milyonlarla dollar qazandığı və kriptovalyuta birjasının investorları qeydiyyatdan keçməyərək, SEC tərəfindən müayinə kimi mühüm müdafiələrdən məhrum etdiyi bildirilib. 

Açıqlamada deyilir ki, Kraken-in təcrübələri, natamam daxili nəzarət və pis uçot təcrübəsi müştərilər üçün bir sıra risklər yaradır.

SEC iyun ayında əsas kriptovalyuta birjaları Binance və Coinbase-ə qarşı oxşar iddialar qaldırmışdı. 

Günel Məlikzadə
Fins.az