Pacific Investment Management Co. (Pimco) CIO Daniel Ivascyn, ABŞ-da inflyasiya probleminin həll olunmaqdan uzaq olduğunu bildirdi və istiqraz bazarının gələn il faiz dərəcələrinin endirilməsi ehtimalı ilə bağlı "çox həyəcanlı" olduğunu qiymətləndirdi.

Fins.az Bloomberg-ə istinadən xəbər verir ki, aktiv şəkildə idarə olunan ən böyük istiqraz fondu olan təxminən 126 milyard dollarlıq Pimco Gəlir Fondunun idarə edilməsinə kömək edən İvaskin, oktyabr ayında ABŞ-da istehsalçı inflyasiyasından sonra verdiyi qiymətləndirmədə inflyasiyanın FED-in 2 faizlik hədəfinə çatması üçün "kəskin bir yol" olacağını proqnozlaşdırdı. 

"Doğru istiqamətdə hərəkət etmək 2% hədəfə çatmaq ilə eyni deyil" deyən İvascyn, Fed-in əhəmiyyətli bir iqtisadi zəifləmə görmədiyi təqdirdə faiz dərəcələrini azaldarkən çox diqqətli olacağını ifadə etdi.

JPMorgan Chase Co. CEO Jamie Dimon da bu həftə etdiyi qiymətləndirmədə investorların qısamüddətli rəqəmlərə həddindən artıq optimist reaksiya verdiyini xəbərdar etdi. Citadel-in qurucusu Ken Griffin, inflyasiyanın bazar qiymətlərindən daha qalıcı ola biləcəyini söylədi.

1,74 trilyon dollarlıq aktivi idarə edən Pimco-nun 2-3 illik dövrə baxdığını ifadə edən İvascyn, "Qısa müddət səs-küydür" dedi.

Günel Məlikzadə
Fins.az