18 oktyabr, 2023-cü il tarixində Bakı Fond Birjasında “İnternational” BOKT ASC-nin tədavül müddəti 18 ay, nominal dəyəri 100 manat olan AZ2007021028 dövlət qeydiyyat nömrəli, ümumi dəyəri 2,000,000 (iki milyon) manat olan, faizli, təmin edilməmiş sənədsiz, adlı istiqrazlarının yerləşdirilməsi üzrə hərrac yekunlaşıb.

Fins.az xəbər verir ki, hərrac zamanı 13 investor tərəfindən 13 sifariş təqdim edilmişdir. İstiqrazın illik faiz dərəcəsi 13 % , faiz ödəniş dövrü isə hər 90 gündən bir təşkil edir.

Hərrac qiyməti 100 manat olan sifarişlərin nominal qiymətlə ümumi məbləği 2,000,000 manat təşkil edib. İstiqrazların nominal qiymətlə yerləşdirilmiş həcmi isə 2,000,000 manat təşkil edib.

Yerləşdirmə üzrə anderrayter “Paşa Kapital İnvestisiya Şirkəti” QSC-dir.

İstiqrazların ödəmə tarixi 18.04.2025-ci ildir.