JPMorgan Qlobal Bazar Strateqi Marko Kolanovic bildirib ki, Yaxın Şərqdəki münaqişələrlə artan geosiyasi gərginlik onsuz da yüksək faiz dərəcələrinin təzyiqi altında olan riskli aktivlər üçün “qarşıya gələn küləkdir” və investorlar təhlükəsiz sığınacaq axtarmalıdırlar.

Bankın dünən müştəriləri ilə paylaşdığı nota görə, Kolanoviç artan geosiyasi risk, ucuz qiymətləndirmə və yerləşdirmənin aşağı olduğunu əsas gətirərək portfelindəki dövlət istiqrazlarının çəkisini 1 faiz artırıb.

Fins.az Bloomberg-ə istinadən xəbər verir ki, strateq qeyd edib ki, istiqrazların dibinə düşüb-düşmədiyi aydın deyil. Geosiyasi risklərdən qorunmaq məqsədilə və real istiqraz gəlirlərində gözlənilən azalma səbəbiylə əmtəə portfelində qızılın çəkisini artıran Kolanoviç, səhmlər üçün “bazardan aşağı gəlir”, əmtəə üçün isə “bazardan yuxarı gəlir” tövsiyə edib.

Bankların üçüncü rüb balanslarının çox güman ki, yaxşı olacağını proqnozlaşdıran Kolanoviç deyib:

"Pərakəndə, lüks və avtomobillər, eləcə də kimyəvi maddələr və yarımkeçiricilər kimi dövri sektorlar üçün risklər davam edir. Lakin mənfəət dönüş nöqtəsinə yaxınlaşır".

Günel Məlikzadə
Fins.az