Rusiya baş nazirinin müavini Aleksandr Novak bildirib ki, Rusiya xam neft ixracını artıra bilər.

"Fins.az" xəbər verir ki, Rusiya baş nazirinin müavini Aleksandr Novak müsahibəsində bildirib ki, Avropa İttifaqının Rusiyaya yanacaq idxalına qadağası neft emalı zavodlarının səmərəliliyinin azalmasına səbəb olarsa, Rusiya xam neft ixracını artıra bilər.

“Neft məhsullarının satışında problemlər yaranarsa, neft emalı zavodunu müəyyən qədər əlavə həcmdə neft ixrac etməklə əvəz etmək olar”,- deyə  Novak bildirib. Novak həmçinin bildirib ki, Aİ-nin qadağasının Rusiya neft emalı zavoduna ümumiyyətlə təsir etməyəcəyi ehtimalı hələ də var.

Aİ-nin Rusiyadan neft məhsullarının idxalına qadağası fevralın 5-dən qüvvəyə minir və dekabrın əvvəlindən tətbiq edilən xam neft idxalı məhdudiyyətinə əlavə olaraq gəlir.

Novak bazar günü bildirib ki, Rusiya gələn il ən azı 490-500 milyon ton neft hasil edəcək və əvvəlki təxminlərini təkrarlayıb. Bu,hər ton üçün  7,33 barel nisbətində gündəlik təxminən 9,84 milyon bareldən 10,04 milyon barelə bərabərdir.

Müəllif: Aynur Qəniyeva