Azərbaycanda İnvestor Stimullaşdırıcı Lotereyasına start verildi. 

"Fins.az"xəbər verir ki, birjanın yaydığı məlumatda bildirilir ki, 9 mart 2022-ci il tarixindən etibarən Bakı Fond Birjasının üzvü olan İnvestisiya Şirkətləri vasitəsilə korporativ istiqraz alan investorlar  “İnvestor” stimullaşdırıcı lotereyasında iştirak hüququ qazanır və 1000 AZN qazanmaq şansı əldə edir.

Lotereyada iştirak etmək istəyən şəxslər investisiya şirkətinə müraciətini tamamlayıb və minimal nominal dəyəri 1000 manat/ABŞ dolları valyutalarında istiqraz alışını sifariş verən və Bakı Fond Birjasında əqdi keçən 18 yaşı tamam olmuş fiziki şəxs “1 əqd-1 lotereya bileti” prinsipi ilə lotereya biletini əldə edir və lotereyada iştirak etmək hüququnu qazanır.

“İnvestor” stimullaşdırıcı lotereyası 9 mart 2022-ci il və 15 noyabr 2022-ci il tarix aralıqlarında 4 tirajda keçiriləcəkdir. Hər tirajda 3 qalib müəyyən ediləcək və hər qalib 1000 AZN məbləğində mükafata sahib olacaq.

İlk tiraj 10 may 2022-ci il tarixində Bakı Fond Birjasında keçiriləcəkdir