Qızıl əvvəlki sessiyada 2000 dollar həddinə çatdıqdan sonra bu gün  səhər Asiyada ucuzlaşıb. 

"Fins.az"xəbər verir ki, Dollar iki ilin ən yüksək səviyyəsinə yaxınlaşıb və rekord bahalılıq sarı metalın cəlbediciliyini azaldıb.

Qızıl fyuçersləri Ukraynada müharibənin davam etməsi və inflyasiya narahatlıqlarının artmasına görə, bazar ertəsi 1998,10 dollara qalxdıqdan sonra  0,24% ucuzlaşaraq 1,981,70 dollar olub. Lakin dollar və ABŞ-ın 10 illik Xəzinədarlıq gəlirləri möhkəmləndikcə qızıl bazar ertəsi əldə edilən qazanclarının çoxunu itirib.

City Index-in baş bazar analitiki Matt Simpson Reuters-ə bildirib ki, "Bir unsiya üçün 2,000 dollar olduqca kritik səviyyədir və qızılın gün ərzində effektiv şəkildə bağlanması o deməkdir ki, dərhal yüksəlmək üçün kiçik bir tərəddüd var".