Ticarət məlumatlarına görə, dünya neft qiymətləri çərşənbə günü günortadan sonra azalmağa davam edir.

Fins.az xəbər verir ki,bazarlar ABŞ-ın ehtiyatlarına dair statistik məlumatları gözləyir və nüvə sazişi ilə bağlı danışıqların baş verdiyi xəbərlər fonunda İrandan neft tədarükü perspektivlərini qiymətləndirir.

Brent xam neftinin iyul fyuçerslərinin qiyməti 1.51% azalaraq - 67.67 dollara, “WTI”-ın iyul fyuçersləri 1.65% ilə 64.42 dollara, İyun fyuçerslərinin qiyməti – 1.37% azalaraq 64.59 dollara düşdü. Səhər neftin qiymətləri 1.2 - 1.25% azalıb.

Daha sonra, hərrac zamanı ABŞ Energetika Nazirliyi, ölkənin mayın 14-dək bir həftə üçün ticarət neft ehtiyatlarına dair statistik məlumatları açıqlayacaq. Analitiklər ehtiyatların 1.6 milyon barel artacağını proqnozlaşdırırlar. Eyni zamanda, Amerika Neft İnstitutu (API) ehtiyatların artımını yalnız 0.6 milyon barel olaraq qiymətləndirdi.

Ticarətçilər həm də İranla bağlı xəbərləri gözləyirlər. Mətbuat nüvə anlaşması ilə bağlı danışıqlarda irəliləyiş barədə məlumat verib. Nüvə razılaşma komissiyasının çərşənbə günü Vyanada işini bərpa etməsi gözlənilir. Bu fonda neft ticarətçiləri İrana qarşı sanksiyaların ləğvi perspektivlərini qiymətləndirirlər ki, bu da bazara əlavə neft axınına səbəb ola bilər.

“Wall Street Journal”-a verdiyi açıqlamada “DNB Markets” analitiki Xelqe Andre Martinsen, “İranın və Qərb tərəfdaşlarının İranla nüvə anlaşmasını bərpa etmək üçün danışıqlarda irəlilədikləri (milyonlarla barel İran neftinə tətbiq olunan sanksiyaları ləğv edəcək bir tədbir) xəbərləri neft qiymətlərini aşağı salır”, deyib