Dogecoin bir gündə 50% ətrafında bahalaşıb, Bitcoin və Ethereum isə ucuzlaşıb.

Fins.az xəbər verir ki, digər altkoinlər də Dogecoin ilə birlikdə bahalaşıb. Dash 14%, Ethereum Classic 30% yüksəliş qeyd edib. Litecoin son 10 gündə 50%-ə yaxın,  XRP 10 gündə 37% dəyər qazanıb.

Son bahalaşmanın ardından Dogecoin-in cəmi bazar dəyəri ABŞ-ın avtomobil istehsalçısı General Motors-un bazar dəyərini (80,31 milyard dollar) geridə qoyub.

Dogecoin-in kapitallaşma səviyyəsi (cəmi bazar dəyəri) 85,48 milyard dollara çatıb. Bu, məsələn, Qazprom-un (75 milyard dollar) və Lukoil-in (56 milyard dollar) bazar dəyərlərindən çoxdur.

Zarafat məqsədilə yaradılan Dogecoin, Tesla şirkətinin rəhbəri Elon Musk-ın sosial mediada yazdıqlarından sonra böyük nisbətdə bahalaşıb. Dogecoin-in qiyməti, 2021-ci ilin əvvəlindən bu yana 74 dəfə artıb. 2021-ci ilə 0,0090 sent ətrafında başlayan bu kriptovalyuta, hazırda 0,6732 sent ətrafındadır. 

Dogecoin, Elon Musk-ınn 28 Apreldəki "Dogefather" və 8 Maya işarə edən "tweet"indən sonra yenidən dəyər qazanıb. 8 Mayda ABŞ-dakı "Saturday Night Life" şousuna qatılacaq Musk-ın Dogecoin ilə əlaqədar nə açıqlayacağı maraq mövzusudur.

Tesla və SpaceX-in qurucusu Dogecoin-in ən sevimli kriptovalyutası olduğunu yazıb və bu da qiymətlərin sıçrayışına səbəb olub.

Dogecoin, proqramçılar Billy Markus və Jackson Palmer tərəfindən yaradılan bir kriptovalyutadır. Layihə, 2013-cü ildə sürətlə populyarlaşan Bitcoin ətrafında səs-küyün fonunda bir zarafat kimi düşünülmüşdür.