Amazon şirkətinin qurucusu və baş direktoru Jeff Bezos, Qiymətli Kağızlar və Birja Komissiyasına (SEC) təqdim edilən sənədlərə görə, Amazonun avqustun ilk günlərində 3.1 milyard dollarlıq səhmlərini satıb.

Bezos vergilərdən sonra təqribən 2.4 milyard dollar qazanacaq. Bezos’un son böyük Amazon satışları, Amazon’da 1.7 milyard dollarlıq hissəsini satdığı Fevral ayında reallaşıb.

Forbes, məşhur milyarderin xalis dəyərini 188,2 milyard dollar qiymətləndirir. Dünyanın ən varlı adamı olmağa davam edən Bezosun bu səhmləri niyə satdığı məlum deyil.

Amazon-un qurucusu 2017-ci ildə kosmik konfransda bildirmişdi ki, kosmik tədqiqat şirkətinin Blue Origin şirkətini maliyyələşdirmək üçün hər il 1 milyard dollarlıq səhm satacaq. 2018-ci ilin sentyabr ayında evsiz ailələrə yardım göstərməyə yönəlmiş qeyri-kommersiya təşkilatlarını dəstəkləyən Bezos, Birinci Gün Fonduna 2 milyard dollarlıq bir vəd verdi.

Elandan bəri Bezos evsizlərə diqqət ayıran QHT-lərə təxminən 200 milyon dollar yardım etmişdir. Fevral ayında Dünya Fonduna 10 milyard dollarlıq bir öhdəlik də verib.