Dövlət İmtahan Mərkəzi təsviri sənət istiqamətinə aid bir neçə qabiliyyət imtahanı komissiyası üzrə qeydiyyatdan keçən abituriyentlərə (subbakalavrlara) müraciət edib. 

Fins.az xəbər verir ki, müraciətdə qeyd edilib ki, abituriyentin/subbakalavrın Qrafika (11), Rəngkarlıq (10) komissiyalarının hər hansı biri üzrə rəsm və rəngkarlıq fənlərindən aldığı müsbət qiymət digər komissiyanın və Dekorativ sənət (15) komissiyasının həmin fənlər üzrə imtahanına şamil olunur.

Abituriyentin/subbakalavrın Dizayn (14) və Heykəltəraşlıq (12) komissiyalarının rəsm imtahanından aldığı müsbət qiymət Dekorativ sənət (15) komissiyasının bu fənn üzrə imtahanına şamil olunur.