Təhsil Nazirliyi məktəbəhazırlığa müraciətin niyə doğum şəhadətnaməsi ilə deyil, şəxsiyyət vəsiqəsi ilə aparıldığına aydınlıq gətirib.

Fins.az-ın  məlumatına görə, Nazirliyin İctimaiyyətlə əlaqələr sektorunun müdiri Cəsarət Valehov bildirib ki, həm məktəbəqəbul, həm də məktəbəhazırlıq eyni portal üzərindən həyata keçirilir.

Burada hər iki proses zamanı şəxsiyyət vəsiqəsi nəzərdə tutulub: "Şəxsiyyət vəsiqəsinin bu prosesdə istifadəsi həm də finləşmə prosesini tamamlamaq üçün faydalıdır. Digər tərəfdən, əgər uşaq məktəbəhazırlığa doğum şəhadətnaməsi, məktəbəqəbulda isə şəxsiyyət vəsiqəsi ilə qeydiyyatdan keçərsə, o zaman bir uşağın adı iki fərqli sənəddə çıxacaq. Bu da identiklik problemi yarada bilər. Bütün bu səbəblərdən məktəbəqəbul portalı vahid yanaşmadan çıxış edib. Həm 1-ci sinfə qəbul, həm də məktəbəhazırlıq üçün şəxsiyyət vəsiqəsi. Digər tərəfdən, bu uşaqlar artıq növbəti ildən 1-ci sinfə bu sənədlə avtomatik olaraq qəbul olunurlar".