Finss.az xəbər verir ki, Almaniyanın ən böyük bankı Deutsche Bank AG 2025-ci ilin dördüncü rübündə xalis mənfəətini 12 dəfə artıraraq dövr üçün vergi öncəsi rekord göstəriciyə nail olub.

Oktyabr–dekabr aylarında bankın xalis mənfəəti ötən ilki 106 milyon avrodan 1,3 milyard avro-ya yüksəlib. Analitiklər LSEG-in konsensus proqnozlarına əsasən orta hesabla 1,12 milyard avro mənfəət gözləyirdilər.

Vergi öncəsi mənfəət bir il əvvəlki 583 milyon avrodan rekord həddə – 2,03 milyard avro-ya çatıb. Bankın gəliri isə 7% artaraq 7,73 milyard avro təşkil edib ki, bu da 2014-cü ildən bəri ən yüksək göstəricidir və proqnoz olan 7,72 milyard avro-nu aşır.

Ekspertlər bildirirlər ki, Deutsche Bank-ın bu güclü nəticələri bank sektorunda investorların etimadını artıracaq və Avropa maliyyə bazarında önəmli təsir göstərəcək.