Azərbaycanda fəaliyyət göstərən bankların balans kapitalının dinamikasına görə renkinqi açıqlanıb.

Finss.az xəbər verir ki, 2025-ci ilin 4-cü rübünün sonunda ən yüksək illik artım AccessBank QSC-də qeydə alınıb – balans kapitalı 51,6 milyon manat və ya 28,5% artıb. Kapital Bank ASC 250,4 milyon manatla 27,0%, Bank Respublika ASC isə 50,8 milyon manat və 25,6% artım göstərib.

Yelo Bank ASC 32,5 milyon manat (22,6%), Ziraat Bank Azərbaycan ASC 27,1 milyon manat (20,3%), Unibank KB ASC 25,8 milyon manat (15,4%), Bank of Baku ASC 20,1 milyon manat (12,9%) və Yapı Kredi Bank Azərbaycan QSC 13,6 milyon manat (12,4%) artım nümayiş etdirib.

Digər banklarda artım daha aşağı olub: Premium Bank ASC 19,5 milyon manat (11,0%), Azər Türk Bank ASC 10,7 milyon manat (10,0%), Bank Melli İran Bakı filialı 4,4 milyon manat (9,0%), Bank VTB (Azərbaycan) ASC 8,9 milyon manat (8,9%) və Azərbaycan Beynəlxalq Bankı ASC 154,5 milyon manat (7,5%).

Bəzi banklarda isə balans kapitalı azalıb. Məsələn, Bank BTB ASC 0,5 milyon manat (-1,1%), Expressbank ASC isə 12,4 milyon manat (-8,9%) azalma ilə diqqət çəkib.

Azərbaycanda fəaliyyət göstərən bankların 2025-ci ilin IV rübünün sonuna olan balans kapitalının dinamikası üzrə cədvəlini təqdim edirik:

Fuad Mədətov
Finss.az