Azərbaycanda fəaliyyət göstərən bankların depozit portfelinin dinamikasına görə renkinqi açıqlanıb.

Finss.az xəbər verir ki, 2025-ci ilin 4-cü rübünün sonunda depozit portfelində artım və azalmalar banklar üzrə fərqlənib.

Ən yüksək illik artım AFB Bank ASC-də qeydə alınıb – depozit portfeli 93,4 milyon manat və ya 70,2% artıb. Rabitəbank ASC 201,1 milyon manatla 29,7%, Bank of Baku ASC isə 147,7 milyon manatla 24,9% artım nümayiş etdirib. Ziraat Bank Azərbaycan ASC depozit portfelini 117,0 milyon manat artıraraq 20,7%, Expressbank ASC 49,3 milyon manat və 18,8%, Yelo Bank ASC 165,6 milyon manat və 17,8% artıb. PAŞA Bank ASC isə 1,142 milyard manatlıq artımla 17,8% göstəriciyə malik olub.

Orta səviyyədə artım Unibank KB ASC 173,3 milyon manat (14,4%), Bank Avrasiya ASC 8,5 milyon manat (13,4%), AccessBank QSC 105,9 milyon manat (10,3%), Azər Türk Bank ASC 94,2 milyon manat (6,5%) və Premium Bank ASC 16,5 milyon manat (4,4%) səviyyəsində olub.

Bəzi banklarda isə depozit portfeli azalıb. Məsələn, Yapı Kredi Bank Azərbaycan QSC 7,0 milyon manat (-1,3%), Bank BTB ASC 9,7 milyon manat (-6,7%), Kapital Bank ASC 689,7 milyon manat (-7,7%), Bank VTB (Azərbaycan) ASC 12,3 milyon manat (-10,8%) və Azərbaycan Beynəlxalq Bankı ASC 1,113 milyard manat (-11,1%) azalma göstərib.

Azərbaycanda fəaliyyət göstərən bankların 2025-ci ilin IV rübünün sonuna olan depozit portfelinin dinamikası üzrə cədvəlini təqdim edirik:

Fuad Mədətov
Finss.az