Niderlandın “ING Group”u Azərbaycan üzrə iqtisadi proqnozlarını açıqlayıb.

Finss.az xəbər verir ki, şirkətin hesablamalarına görə, 2025 və 2026-cı illərdə inflyasiya 5,7% səviyyəsində qalacaq, 2027-ci ildə isə inflyasiyanın 8,9%-ə yüksələcəyi gözlənilir.

2026-cı ilin rüblük inflyasiya proqnozu belədir:

• I rüb — 5,7%
• II rüb — 5,9%
• III rüb — 5,7%
• IV rüb — 5,7%

ING Group 2025-ci ilin IV rübünün sonunda inflyasiyanın 5,8% olacağını ehtimal edir.

Azərbaycan Mərkəzi Bankı (AMB) isə 2025–2026-cı illərdə illik inflyasiyanın hədəf dəhlizi olan 4±2% hüdudlarında qalacağını proqnozlaşdırır. AMB oktyabr proqnozunda 2025-ci il üçün inflyasiyanı 6% səviyyəsində qiymətləndirib. “Bu proqnozların reallaşması həm daxili, həm də xarici amillərin dinamikasından asılı olacaq”, – Mərkəzi Bank vurğulayır.

Fuad Mədətov
Finss.az