2026-cı ildə Azərbaycan banklarının kapital göstəricilərinin böyük ehtimalla sabit qalacağı proqnozlaşdırılır.

Finss.az “Fitch” reytinq agentliyinin hazırladığı hesabatına istinadən xəbər verir ki, "Tier 1" normativ əmsalı 2026-cı ildə təxminən 14% səviyyəsində olacaq (2025-ci ilin III rübü: 14,6%), bu isə minimum normativ səviyyədən xeyli yüksəkdir — 5% (sistemik əhəmiyyətli banklar üçün 6%):

"Likvidlik buferləri, o cümlədən valyuta buferləri, güclü qalmalıdır və sektor üzrə orta xalis kreditlərə nisbət təxminən 80% təşkil edəcək”.

Fitch qeyd edir ki, bankların rentabelliyi geniş marjlar sayəsində dəstəklənəcək, lakin qısamüddətli depozit bazasının genişlənməsinə görə əməliyyat rentabellik göstəricilərində təxminən 50 baza bəndi qədər daralma gözlənilir.

“Bu, kreditlərin dəyərsizləşməsinə qarşı ehtiyat artımı ilə birlikdə rentabelliyin azalmasına səbəb olacaq, lakin göstəricilər sağlam səviyyədə qalacaq”, – deyə hesabatda vurğulanır.