Finss.az - Türkiyədə antiinhisar orqanı Mastercard və Visa şirkətlərinə qarşı antiinhisar araşdırması başladıb.

Araşdırmanın məqsədi, ödəniş nəhənglərinin Türkiyə ödəniş şirkətlərinin beynəlxalq bazarlarda fəaliyyət imkanlarını məhdudlaşdırıb-məhdudlaşdırmamasını müəyyən etməkdir.

Rəsmi açıqlamada bildirilir ki, Türkiyə antiinhisar orqanı bu iki beynəlxalq ödəniş sisteminin yerli ödəniş şirkətlərinin xarici bazarlara çıxışına hansı təsir göstərdiyini araşdırır. Bu addım, ölkənin maliyyə sektorunda nəzarətin gücləndirilməsi və beynəlxalq ödəniş sistemlərinin fəaliyyətinin yaxından izlənilməsi fonunda atılır.

Hazırda Mastercard və Visa tərəfindən mövzu ilə bağlı ictimaiyyətə verilmiş rəsmi şərh yoxdur.