Finss.az - Çinin Xalq Bankı (ÇXB) bazar ertəsi kreditlərin əsas faiz dərəcələrini 10 baza bəndi azaldıb.

Bu addım ölkədə daxili tələbi artırmaq və iqtisadi aktivliyi canlandırmaq məqsədilə atılıb.

Yeni qərara əsasən, illik əsas kredit faiz dərəcəsi 3,0%-ə, beş illik kreditlərin faiz dərəcəsi isə 3,5%-ə endirilib. Bankın açıqlamasında bildirilir ki, bu dəyişiklik ölkənin ən böyük banklarının ticarət əməliyyatlarının nəticəsi olaraq qəbul olunub.

Ekspertlər hesab edir ki, faiz dərəcələrinin azaldılması kreditlərə əlçatanlığı artıracaq və iqtisadiyyatın sabitliyinə müsbət təsir göstərəcək.

Bu qərar Çində iqtisadi artımı stimullaşdırmaq üçün atılan mühüm addımlardan biri kimi qiymətləndirilir.