"Azər Türk Bank" ASC, dövlət zəmanəti ilə təmin edilmiş güzəştli kreditlər təklif edir.

Finss.az xəbər verir ki, bu kreditlər, sahibkarlıq fəaliyyətinin inkişafı məqsədilə verilən və faiz xərclərinin subsidiyalaşdırıldığı maliyyə vasitələridir.

Kiçikhəcmli kreditlər 5,000 - 50,000 AZN arasında, ortahəcmli kreditlər 50,001 - 1,000,000 AZN arasında və böyükhəcmli kreditlər isə 1,000,001 - 10,000,000 AZN arasında verilə bilər. Kreditlərin müddəti, kredit növünə görə 3 ildən 10 ilə qədər dəyişir. İllik faiz dərəcəsi 5%-dək təklif olunur və əsas borcun ödənilməsinə güzəşt müddəti kreditin ilk yarısı üçün tətbiq edilir.

İşğaldan azad edilmiş ərazilərdə fəaliyyət göstərən sahibkarlıq subyektlərinə verilən kreditlər isə 5,000,000 AZN-ə qədər və 7 ilədək müddətə təklif edilir. Bu kreditlər üçün illik faiz dərəcəsi 15%-dəkdir, faizsiz subsidiya isə maksimum 3 il müddətinə və 10%-dək ola bilər. Dövlət zəmanəti 90%-dək təmin edilir.

Ətraflı məlumat üçün keçid: //atb.az/subsidiya/

Fuad Mədətov
Finss.az