Azərbaycan Mərkəzi Bankı “Bank kapitalının və onun adekvatlığının hesablanması Qaydaları” çərçivəsində istehlak kreditləri üzrə orta faiz dərəcələrini açıqlayıb.

Finss.az xəbər verir ki, 2024-cü ilin göstəriciləri 2023-cü illə müqayisədə müəyyən dəyişikliklərə məruz qalıb.

Faiz dərəcələrinin müqayisəsi (2023/2024)

• Kredit kartları üzrə faiz dərəcəsi – 26% (2023-cü ilə nisbətən 2% artım).
• ABŞ dolları ilə kredit kartları üzrə faiz dərəcəsi – 5% (dəyişiklik yoxdur).
• Məişət avadanlıqları üzrə kreditlər – 25% (dəyişiklik yoxdur).
• Yaşayış sahəsinin təmiri üçün kreditlər – 16% (1% azalma).
• Avtomobil kreditləri – 10% (1% azalma).
• Nağd pul kreditləri (milli valyutada) – 20% (3% artım).
• Xarici valyutada nağd pul kreditləri – 8% (2023-cü il göstəricisi) (2024-cü il üzrə məlumat qeyd olunmayıb).

Bu dəyişikliklər fonunda xüsusilə nağd pul kreditlərinin faiz dərəcəsində artım, avtomobil və təmir kreditlərində isə azalma müşahidə edilir.

Fuad Mədətov
Finss.az