Norveçdə valyuta məzənnəsinin dramatik şəkildə düşməsi iqtisadiyyatda əhəmiyyətli dəyişikliklərə səbəb olub.

Finss.az xəbər verir ki, kronun zəifləməsi qiymətlərin artmasına və borc xidmətinin xərclərinin yüksəlməsinə yol açıb. Bu vəziyyətə cavab olaraq, keçmiş ətraf mühit naziri və Liberal Partiyanın deputatı Sveinung Rotevatn radikal bir həll təklif edib: kronu avroya bağlanması.

Rotevatn Financial Times qəzetinə verdiyi müsahibədə, “Kronun bu qədər zəifləməsi gələcəkdə ciddi dəyişikliklər etməyi tələb edir. Bizim gələcək variantlarımızı diqqətlə nəzərdən keçirməliyik,” - deyə bildirib.

Bu təklif, Norveçin iqtisadi sabitliyini qorumaq və valyuta bazarındakı qeyri-müəyyənliyi azaltmaq məqsədini güdür.