Əmək haqqının artımı ilə bağlı kifayət qədər sübuta malik olmayan Yaponiya Bankı üzvləri dekabrın 19-da başa çatacaq faiz iclasında mənfi faiz dərəcələrini dayandırmaq üçün çox az səbəb görürlər.

Fins.az Bloomberg-ə istinadən xəbər verir ki, BOJ üzvləri daha möhkəm əmək haqqı artımı məlumatlarını gözləməyin çox baha başa gəlməyəcəyi qənaətindədirlər.

BOJ-nin dekabr iclasında mənfi faiz dərəcəsi tətbiqini dayandıra biləcəyi bazarlarda qiymətləndi. Mənbələrin verdiyi məlumata görə, bank bu görüşdə çox güman ki, monetar təşviq alətlərində heç bir dəyişiklik etməyəcək.

Mənbələrə görə, bank bütün məlumatları gördükdən sonra son pul siyasəti qərarını verəcək. BOJ daha əvvəl 2022-ci ilin iyul və dekabr aylarında iqtisadçıları təəccübləndirən qərarları açıqlamışdı.

BoJ Qubernatoru Kazuo Uedanın keçən həftə işinin ilin sonuna doğru daha da çətinləşəcəyini açıqlaması pul siyasətində normallaşma ilə bağlı fərziyyələri artırdı. BOJ üzvləri Uedanın çıxışının siyasət dəyişikliyini nəzərdə tutmadığını, bunu ümumi bəyanat kimi qiymətləndirdiyini düşünür.

Günel Məlikzadə
Fins.az