Beynəlxalq kredit reytinq agentliyi Moody's-in qlobal bank sektorunun proqnozu ilə bağlı dərc etdiyi hesabatda qlobal iqtisadiyyatdakı zəifliyin və borcluların kredit ödənişlərini həyata keçirə bilməməsinin bankların gəlirliliyinə təzyiq göstərməsi gözlənildiyi bildirilib. Bu o deməkdir ki, banklar 2024-cü ildə mənfi proqnozla üzləşəcək.

Fins.az Bloomberg-ə istinadən xəbər verir ki, mərkəzi banklar tərəfindən faiz artımı və inkişaf etmiş iqtisadiyyatlarda işsizlik nisbətlərinin artması qlobal bankların aktiv keyfiyyətini zəiflədə bilər.

Moody's hesabatında ABŞ və Avropada daşınmaz əmlak sektorunun mövqelərinin qlobal bankların gələn il üçün perspektivləri üçün artan risk yaratdığı vurğulanıb.

Hesabatda pul siyasətinin gələn il sərt şəkildə davam edəcəyinin gözlənildiyi və bunun gələcəkdə mərkəzi bankların faiz dərəcələrini aşağı salacağı ilə bağlı hazırkı proqnozlara baxmayaraq, qlobal iqtisadiyyatın yavaşlamasına səbəb olacağı bildirilib.

Günel Məlikzadə
​Fins.az