UBS İnvestisiya Bankının strateqləri FED-in gələn il faiz dərəcələrini 275 baza bəndi azaldacağını proqnozlaşdırırlar. Bildirilib ki, bu göstərici bazarların qiymətindən təxminən dörd dəfə yüksəkdir.

Fins.az Bloomberg-ə istinadən xəbər verir ki, strateqlər Arend Kapteyn və Bhanu Baweja proqnozlaşdırırlar ki, inflyasiyanın davamlı azalması mərkəzi banka mart ayından etibarən yumşaldıcı siyasətə başlamağa imkan verəcək və faiz dərəcələrinin yumşalma dövrünə xas olan böyük artımlarla aşağı salınması ehtimalı var.

Strateq Baweja UBS-in London ofisində verdiyi müsahibədə, "Biz bu dəfə niyə bu qədər fərqli olduğuna dair şərtləri görmürük. İnflyasiya sürətlə normallaşır və mart ayına qədər FED çox yüksək real faizlərə baxacaq" dedi.

Strateqlər 2024-cü ilin sonuna qədər federal fondların etalon faiz dərəcəsinin 2,5 ilə 2,75 faiz arasında düşəcəyini və son faiz dərəcəsinin 2025-ci ilin əvvəlində 1,25 faiz olacağını gözləyirlər. Baxışlar ABŞ iqtisadiyyatının ikinci rübdə resessiyaya girəcəyi gözləntilərinə əsaslanır.

Bunun əksinə olaraq, pul bazarları FED-i iyul ayından başlayaraq faiz dərəcələrini cəmi 75 baz bənd aşağı salmaq üçün qiymət qoyur.

Günel Məlikzadə
Fins.az