İflas ərəfəsində olan və BVF ilə müqavilə imzalayan Pakistanda pul siyasəti qurumu faiz dərəcəsini sabit saxlamağa qərar verib.

Fins.az Bloomberg-ə istinadən xəbər verir ki, Pakistan Mərkəzi Bankı siyasət faizini 22 faiz səviyyəsində saxlayıb. Bloomberg sorğusuna qatılan iqtisadçıların gözləntisi faiz dərəcəsinin bu səviyyədə saxlanacağı olub.

Ölkədə istehlak inflyasiyası may ayında 38 faizlə pik həddinə çatıb. Sentyabrda inflyasiya 31,44 faiz olub.

Ölkə 2023-cü ildə ciddi maliyyə böhranı yaşayarkən BVF ilə müqavilə imzalayıb. İyunun sonunda Beynəlxalq Valyuta Fondu (BVF) Pakistanla 3 milyard dollar dəyərində “stand-by” razılaşması haqqında razılaşma əldə olunduğunu açıqlayıb.

Uzun müddətdir siyasi və iqtisadi böhranlarla mübarizə aparan, defolt ərəfəsində olan, həm tədiyyə balansı böhranı, həm də valyuta ehtiyatlarının azalması problemi ilə mübarizə aparan Pakistan bu razılaşmanı bir müddət əvvəl gözləyib.

Razılaşmadan bir qədər əvvəl göstəricilərə görə, Pakistanın dövlət borcu 274 milyard dollara yaxınlaşıb və bu borcun ümumi daxili məhsula (ÜDM) nisbəti 80 faiz civarında olub.

Günel Məlikzadə
Fins.az