Ölkənin aparıcı korporativ maliyyə institutu olan “PAŞA Bank” əhalinin rifahının yüksəldilməsinə yönəlmiş təşəbbüslərin həyata keçirilməsinə töhfə verir. Belə ki, Bank, həssas əhali qruplarının özünüməşğulluğunun təşkilini dəstəkləməyə davam edir.

Fins.az xəbər verir ki, bu layihə çərçivəsində 16-17 avqust tarixlərində “PAŞA Bank” tərəfindən Bakı, Ağcabədi, Ağdam, Ağstafa, Göyçay, Göygöl, Naftalan, Tərtər və Tovuzda məskunlaşmış məcburi köçkün və şəhid ailələrinə xüsusi avadanlıqlar çatdırılıb. Bu avadanlıqlar vasitəsilə əhaliyə öz bizneslərini qurmaq və idarə etmək imkanı təqdim olunub.

Xatırladaq ki, “PAŞA Bank” 2020-ci ildən etibarən Azərbaycan Respublikası Əmək və Əhalinin Sosial Müdafiəsi Nazirliyi, Azərbaycan Respublikasının Mərkəzi Bankı və Azərbaycan Banklar Assosiasiyasının təşəbbüsü ilə həyata keçirilən bu layihədə fəal surətdə iştirak edir. Bank bu layihə çərçivəsində artıq 100-dən çox ailəyə dəstək göstərməyə müvəffəq olub.