Azərbaycan Respublikası İpoteka və Kredit Zəmanət Fondu (İKZF) vəsaiti hesabına verilən kreditlərdə yumşalma olub.

Fins.az bu barədə Mərkəzi Bankın 2022-ci ilin IV rübü üzrə bank sektorunun kreditləşmə fəaliyyətinə dair sorğuların nəticələrinə əsasən xəbər verir ki, 2022-ci ilin IV rübündə həm daxili, həm də Azərbaycan Respublikası İpoteka və Kredit Zəmanət Fondu (İKZF) vəsaiti hesabına verilən kreditlərdə yumşalma olub.

2022-ci ilin son rübü ərzində ipoteka kreditlərinə tələb artıb. Tələbin əsas drayveri kimi 2022-ci ilin III rübündə olduğu kimi IV rübündə də İKZF vəsaiti hesabına verilmiş kreditlər çıxış edib.

Banklar 2023-cü ilin ilk rübündə İKZF vəsaiti hesabına veriləcək kreditlərə tələbin yüksək olmasını və kredit siyasətinin yumşaldılmasını gözləyirlər.

Fuad Mədətov
Fins.az