Biznes mühiti və beynəlxalq reytinqlər üzrə Komissiyanın Maliyyə bazarlarının inkişafı və kreditlərin əlçatanlığı İşçi Qrupunun 27 dekabr 2022-ci il tarixində saat 11:00-da “Webex” onlayn platforması vasitəsilə növbəti iclasının keçirilməsi nəzərdə tutulur.

"Fins.az" xəbər verir ki, iclasda İşçi Qrupunun 2023-cü il üzrə Fəaliyyət Planı (layihə) və Dünya Bankı Qrupunun “Əlverişli Biznes Mühiti” layihəsinin “Maliyyə xidmətləri” indikatoru ilə bağlı müvafiq sahədə təkmilləşdirmələrin həyata keçirilməsinə dair 2023-cü il üzrə Yol Xəritəsi haqqında məlumat veriləcək, daha sonra Fəaliyyət Planı və Yol Xəritəsində nəzərdə tutulmuş tədbirlərin icrası istiqamətində qrup üzvləri ilə qarşılıqlı müzakirələr aparılacaq.