ABŞ İstehlakçıların Maliyyə Müdafiəsi Bürosundan (CFPB) verilən açıqlamada qeyd olunub ki, Wells Fargo istehlakçılara 2 milyard dollardan çox təzminat və qanun pozuntularına görə 1,7 milyard dollar cərimə ödəyəcək.

"Fins.az" xəbər verir ki,  açıqlamada deyilir ki, bank 16 milyondan çox istehlakçının hesablarına təsir edən qanunsuzluqlar ilə bərabər, dəfələrlə kredit ödənişlərini səhv tətbiq edib, evlərə və qanunsuz olaraq müsadirə edilən nəqliyyat vasitələrinə ədalətsiz girov qoyulub, xidmət haqlarını və faizləri səhv hesablayıb və qəfil depozit haqları alıb.

CFPB-nin açıqlamasında bankın qeyri-qanuni əməllərinin müştərilərinə milyardlarla dollar maddi ziyan vurduğu, minlərlə müştərinin avtomobilini və evini itirdiyi xatırladılıb.

Wells Fargo açıqlamasında bildirib ki, bank CFPB ilə avtomobil kreditləri, ipoteka və istehlakçı depozit hesabları ilə bağlı məsələləri həll edəcək.

Həmçinin açıqlamada qeyd olunub ki, bank 2020-ci ildən bəri tədbirlər və təkmilləşdirmələri sürətləndirib.