Azərbaycanda fəaliyyət göstərən 56 bank olmayan kredit təşkilatından 7-nin bu il yanvarın 1-nə nizamnamə kapitalı illik müqayisədə çox olub.

Bunlar “Prior Credit”, “PSG Finans”, “Kəpəz”, “Birkart”, “International”, “Azmikroinvest” və “İDK”dır. Ən yüksək dinamika “Prior Credit”də (10 dəfə), ən aşağı dinamika isə “İDK”da (3,1%) qeydə alınıb.

1 BOKT - “SF Azerbaijan” bazara bu il, 4 BOKT - “Azfinans”, “Finkapital”, “FNC” və “Nas Project” isə bazara ötən il daxil olub. 9 BOKT – “Azəri Star Mikromaliyyə”, “Azpul”, “Caspian Invest”, “Finans İnvest”, “Finans Kredit”, “Fintrend”, “Gold Finance”, “Omni Finance” və “Pro Kredit” nizamnamə kapitalının dinamikasını açıqlamayıb.

5 BOKT-un nizamnamə kapitalı 10 milyon manatdan az deyil

Azərbaycanda fəaliyyət göstərən 56 bank olmayan kredit təşkilatından (BOKT) 5-nin bu il yanvarın 1-nə nizamnamə kapitalı 10 milyon manatdan az olmayıb. 

Bunlar “Para” (29,266 milyon manat), “Aqrarkredit” (22,669 milyon manat), “M Bulak” (10,408 milyon manat), “Embafinans” (10 milyon manat) və “PSG-Finans” (10 milyon manat) BOKT-lardır.

Qalan 51 BOKT-dan 15-nin nizamnamə kapitalı 1-10 milyon manat arasında, 25 BOKT-un nizamnamə kapitalı  isə 1 milyon manatdan azdır.

1 BOKT – “SF Azerbaijan” bazara bu il daxil olub, 10 BOKT – “Azəri Star Mikromaliyyə”, “Azfinans”, “Caspian Invest”, “Finans İnvest”, “Finkapital”, “Fintrend”, “FNC”, “Gold Finance”, “Omni Finance” və “Pro Kredit” nizamnamə kapitalının məbləğini açıqlamayıb. 

© “Renkinq”