Yaponiya Bankı (BOJ) bugünkü iclasında pul siyasətini dəyişməyib.
"Fins.az"xəbər verir ki, BOJ valyutası yenin son ucuzlaşmasına və inflyasiyanın artmasına baxmayaraq, sərbəst pul siyasətini dəyişməyib.

BOJ 10 illik istiqrazlar üzrə gəlirliliyi 0 faiz civarında saxlayarkən siyasət faizini -0,10 faiz səviyyəsində saxlayıb və limitsiz aktiv alışını davam etdirmək öhdəliyini təkrarlayıb. Qərar 1 əleyhinə 8 səslə qəbul edilib.

Açıqlamada qısa və uzunmüddətli faiz dərəcələrinin indiki və ya daha aşağı səviyyədə qalacağı, qiymət görünüşünə dair risklərin bir müddət yüksəlməyə davam edəcəyi və sonra tarazlaşdırılacağı ifadə edilib/

Bank inflyasiya proqnozlarına da yenidən baxıb. Baza inflyasiya proqnozu 1,1 faizdən 1,9 faizə qaldırılıb. 2023 və 2024-cü maliyyə illəri üçün inflyasiya gözləntiləri 1,1 faiz təşkil edib.

Müəllif: Aynur Qəniyeva