“Bank of Baku” –nun  2022-ci ilin 1-ci rübündə xalis mənfəəti 40.4% arataq 9 milyon 883,23min manata çatıb. Bankın  xalis faiz gəlirləri ötən ilin 1-ci rübünə nisbətən 50.1% arataraq 16 milyon 803,30 min manat olub. 

"Fins.az" xəbər verir ki, bu barədə “Bank of Baku” –nun 2022-ci ilin 1-ci rübünə dair maliyyə hesabatında məlumat verilib. 

2022-ci ilin ilk rübündə “Bank of Baku” –nun faiz gəlirləri ötən ilin müvafiq dövrü ilə müqaisədə 49.4% artaraq 21 milyon  031,85 min manat təşkil edib.

Kredit portfeli 52%-dən çox artıb 

Bankın bu ilin aprelin 1-nə olan vəziyyətinə görə  müştərilərə verilən kreditlər 2021-ci ilin 1-ci rübünə nisbətən  52,7% artaraq  20 milyon  560,20 min manat təşkil edib.

Aktivləri artıb 

Bankın aktivləri  cari ilin ilk rübündə ötən ilin müvafiq dövrünə nisbətən 5.4% artaraq 524 milyon  674,84 min manata çatıb. Sözügedən dövrdə “Bank of Baku” –nun öhdəlikləri 4.3% artaraq  420 milyon 412,73 min manat təşkil edib.

Hüquqi şəxslərin depozitləri 6%-dən çox artıb 

2022-ci ilin ilk 3 ayı ərzində “Bank of Baku” –nun depozit portfeli  ötən ilin ilk 3 ayı ilə müqaisədə 0.8% artaraq  249 milyon  279,54 manat təşkil edib. Bankda hesabat dövrü ərzində  fiziki  şəxslərin depozitləri ötən ilin müvafiq dövrünə nisbətən 0.7% azalaraq 219 milyon  514,48 min manat olub. Eyni zamanda “Bank of Baku”-da hüquqi şəxslərin depozitləri 2021-ci ilin aprel ayının 1-nə qədər olan müddət üçün qeyd olunanan göstəricilərə nisbətən  6.6% artaraq  29 milyon  765,06 min manat olub.

Bankın kapitalı 10%-dən çox artıb 

2022-ci ilin 1-ci rübündə bankın kapitalı ötən ilin müvafiq dövrü ilə müqaisədə 10.6% artaraq 104 milyon  262,11 min manat təşkil edib.Hesabat dövründə “Bank of Baku” –nun cəmi öhtəlikləri ötən ilin müvafiq dövrü ilə müqaisədə 5.4% artaraq 524  milyon 674,84 min manat olub.

Müəllif: Aynur Qəniyeva