21-24 may tarixlərini əhatə edən “PASHA BANK CUP III” yarışmasının I təsnifat mərhələsi başa çatıb.
Ölkədə İT sahəsinin inkişafına dəstək verməyə və bu sahədə bacarıqlı kadrları üzə çıxarmağa yönələn yarışmanın ilk mərhələsi ümumilikdə 287 nəfərin iştirakı ilə keçib. Nəticələrə əsasən, iştirakçılardan 13-ü 100 %-lik, 30-u isə isə 50 %-dən yüksək nəticə göstərib.
İlk təsnifat mərhələsini 100 %-lik nəticə ilə başa vuran iştirakçıların adlarını diqqətinizə çatdırırıq:
- Fərid Əhmədli
- Səid Nəsibov
- Rəşad Məmmədov
- Ziya Muxtarov
- Amin Cəlilov
- Emin Orucov
- Əli Məhərrəmli
- Saleh İsayev
- Mixaylo Medvedyev
- Fidan Hüseynova
- İbrahim Tağızadə
- Xəlil Əsədzadə
- Nadir İsgəndərov
Tezliklə yarışmanın II təsnifat mərhələsi baş tutacaq. “Axtarış və sıralama” mövzusuna həsr olunan bu mərhələdə istənilən şəxs öncədən təqdim olunan keçid vasitəsilə yarışa qatıla və birincilik uğrunda mübarizəyə qoşula biləcək.
Xatırladaq ki, 2019-cu ildən etibarən keçirilən “PASHA Bank Cup” yarışmasında müxtəlif yaşlarda olan proqramçıların iştirakı nəzərdə tutulub. Ölkənin aparıcı korporativ maliyyə institutu “PAŞA Bank” bu yarışmanı keçirməklə, iştirakçılara yeni fundamental biliklər əldə etmək, bacarıqlarını genişləndirmək və peşəkar keyfiyyətlərini nümayiş etdirmək üçün əlverişli imkan yaradır.
Yarışma haqda ətraflı məlumat üçün bu keçiddən istifadə edin: