Cari hesablardan aparılan hər 100 manat köçürmənin 62 manatı məhz internet və mobil bankçılıq  vasitəsi ilə həyata keçirilib.

Bunu Mərkəzi Bankın baş direktoru Fərid Osmanov deyib. 

O bildirib ki, 2020-ci ilin sonuna ölkə banklarında açılan hesabların sayı məhz 2019-cu il ilə müqaisədə 16% artıb,həmçinin cari hesablardan həyata keçirilən ödənişlərin sayı isə 53% artım müşahidə olunub .

Fərid Osmanov bu sahədə irəliləyişi vurğulayaraq xüsusi olaraq "Bu artımda xüsusi məqamı diqqətinizə təqdim etmək istərdim. Məhz internet bankçılığın payı kifayət qədər böyükdür. 2020-ci ildə  bank müştərilərinin cari hesablardan aparılan köçürmələrin sayı 1-5%-i həcmi üzrə 62%-i məhz elektron bankçılığın payına düşür başqa sözlə desək məhz cari hesablardan aparılan hər 100 manat köçürmənin 62 manatı məhz internet və mobil bankçılıq  vasitəsi ilə həyata keçirilib."-deyə qeyd edib.

Müəllif:Aynur Qəniyeva