Dünya səviyyəsində banklar rəqəmsal texnologiyalara adaptasiya və yavaşlayan iqtisadiyyat mühitində xərcləri azaltmaq məqsədilə son dörd il ərzində ən böyük işdən çıxarmaları reallaşdırırlar.

Fins.az Marja-ya  istinadən xəbər verir ki, bu il 50 bank 77 min 780 işçisini çıxarmağı planlaşdırdığını açıqlayıb. Bu vəziyyət 2015-ci ildə 91 min 448 nəfər işçinin çıxarılacağının açıqlanmasından sonrakı ən yüksək rəqəmdir.

İxtisarların 82%-i Avropa banklarının payına düşür. Mənfi faiz dərəcələrinə görə Avropa banklarının gəlirləri kəskin azalıb. 

2019-cu ildəki işdən çıxarmalar daxil son altı ildə bankların ixtisarları 425 min nəfərə çatır. Əslində real rəqəmlər yüksək ehtimalla daha çoxdur, çünki bir çox bank planlarını açıqlamadan işçilərini azaldırlar.