Finss.az - Tencent-in bulud texnologiyaları bölməsi Tesla ilə əməkdaşlığa başlayaraq Çində satılan elektromobillər üçün yeni proqram həlləri təqdim edəcək.

Layihə çərçivəsində WeChat platformasının geolokasiya məlumatları avtomobillərə inteqrasiya olunacaq və sürücülərə fərdiləşdirilmiş ağıllı tövsiyələr veriləcək.

Yeni funksiyalar ilkin olaraq Tesla Model 3 və Model Y üçün uzaqdan yenilənmə vasitəsilə aktivləşdiriləcək və gələcək modellərdə standart xüsusiyyət kimi təqdim olunacaq.

Tencent hələ 2017-ci ildə Tesla-nın 5% səhmlərini 1,78 milyard dollara alaraq şirkətin Çin bazarına çıxışını dəstəkləmişdi. Tesla hazırda ölkədə aparıcı elektromobil brendlərindən biri olsa da, yerli istehsalçıların güclənməsi fonunda rəqabət daha da sərtləşib.