Finss.az - Mercedes-Benz-in baş direktoru Ola Kallenius Almaniyanın The Pioneer xəbər saytına verdiyi müsahibədə bildirib ki, ABŞ Ticarət naziri Hovard Lutnik-in şirkətin baş qərargahını ABŞ-a köçürmək təklifini rədd edib.

Kallenius açıqlayıb ki, təklif keçən ilin əvvəlində gəlib. Şirkət ABŞ-da investisiyalarına sadiq olsa da, Mercedes-Benz Almaniyadakı əsas bazasından ayrılmaq imkanına malik deyil.

Baş direktor vurğulayıb ki, Lutnik-in dəvəti qlobal kapital uğrunda mövcud rəqabəti göstərir və Avropadakı sənaye mərkəzlərinin üzləşdiyi çağırışları əks etdirir.

Hazırda Mercedes-Benz Almaniyada qərargahını saxlayır və müxtəlif ölkələrdə, o cümlədən ABŞ-da istehsal və investisiya fəaliyyətini davam etdirir.