Finss.az xəbər verir ki, amerikalı avtomobil istehsalçısı Ford Motor Avropadakı biznesini genişləndirmək məqsədilə Fransanın avtomobil nəhəngi Renault ilə tərəfdaşlıq müqaviləsi imzalayıb.

Şirkətlərin açıqlamasına görə, Renault öz platformasında birgə dizayn edilmiş iki kompakt elektrikli avtomobil modeli istehsal edəcək, Ford isə avtomobillərin dizaynını həyata keçirəcək. Hər iki şirkət layihəni 2028-ci ildə satışa çıxarmağı planlaşdırır.

Eyni zamanda, tərəfdaşlar Fordun Avropadakı satışlarının əksəriyyətini təşkil edən mikroavtobus bazarında əməkdaşlıq imkanlarını araşdırırlar. Bu addım Avropada elektromobil seqmentində həm Ford, həm də Renault üçün strateji əhəmiyyət kəsb edir.

Ekspertlər hesab edirlər ki, Ford və Renault arasında bu tərəfdaşlıq, Avropada elektrikli avtomobil istehsalını artıracaq, bazarda rəqabəti gücləndirəcək və həm sərfəli, həm də ekoloji avtomobil seçimlərini artıracaq.