Finss.az - Çində Exeed RX modelinin yenilənmiş Global Edition versiyası təqdim olunub. Yeni versiya ilə modelin plagin hibrid xətti üç variantdan ibarət olub. Dizaynda böyük dəyişiklik edilməsə də, təkər diskləri və bəzi xarici dekor elementləri yenilənib. Salon isə açıq qəhvəyi və boz rəng seçimləri ilə daha müasir görünüş qazanıb.

Şirkətdən verilən məlumata görə, ön paneldəki iki 12,3 düymlük ekran klaster kimi qorunub. Məlumat-əyləncə sistemi güclü Qualcomm Snapdragon 8155 prosessoru üzərində işləyir və Apple CarPlay və Huawei HiCar dəstəkləyir.

Hibrid modellərin əsas göstəriciləri:

• Baza hibrid versiya:
  1,5 litrlik turbomühərrik + ön elektrik mühərriki,
  güc — 360 a.g., 530 Nm,
  sürətlənmə — 7,9 s,
  elektriklə gediş — 120 km.

• Orta səviyyəli hibrid:
  Ümumi güc — 381 a.g., 610 Nm,
  sürətlənmə — 8,4 s.

• Tam ötürücülü yüksək səviyyəli hibrid:
  Ön və arxa elektrik mühərrikləri,
  ümumi güc — 619 a.g., 920 Nm,
  0–100 km/s — 4,3 s,
  elektriklə gediş — 210 km,
  maksimal sürət — 200 km/s.

Bundan başqa, modelin benzinlə işləyən 2,0 litrlik turbodördlük versiyası 7 pilləli avtomatik transmissiya ilə təklif olunur. Bu variantın qiyməti 140 000 yuan (təxminən 20 min ABŞ dolları) təşkil edir. Yenilənmiş hibrid versiyaların qiyməti isə 140 000–190 000 yuan (20–27 min ABŞ dolları) aralığındadır.

Yeni Exeed RX Global Edition-un uzunluğu 4 781 mm, eni 1 920 mm, hündürlüyü 1 671 mm, təkər bazası isə 2 815 mm-dir. Modelin ümumi gediş məsafəsi 1 400 km-ə çatır. Şirkət bildirib ki, Global Edition versiyası gələcəkdə digər bazarlara da ixrac edilə bilər.