Dekabrın əvvəlində Hyundai ikinci nəsil Palisade modelinin rəsmi şəkillərini nümayiş etdirib, lakin yeni avtomobillə bağlı başqa təfərrüatları açıqlanmayıb. Bununla belə, krossoverin seriyaöncəsi nüsxəsi ilə tanış olan koreyalı jurnalistlər bir sıra məlumatları əldə ediblər.

Finss.az xəbər verir ki, Palisade krossoverinin uzunluğu 55 millimetr (5050 millimetr), təkər bazası isə, 70 millimetr (2970 millimetr) artıb. Ön kuzov çıxışı qısaldılıb, krossover eninə yerləşən mühərriki olan platformasını saxlasa da, nəcib nisbətləri əldə edib. Təkər disklərinin maksimal diametri 21 düymdür.

Turbodizel mühərrik çeşidindən çıxarılıb, lakin 290 at qüvvəli 3,5-litrlik V6 atmosfer mühərriki yerini qoruyub (əvvəllər müxtəlif bazarlar üçün 3,5 və ya 3,8 litrlik mühərriklər təklif olunurdu).

Həmçinin, çeşidə digər Hyundai modellərindən tanış olan 2,5-litrlik dördsilindrli turbomühərrik (280 at qüvvəsi) əlavə olunub. Daha sonra, bu “turbodördlüyə” əsaslanan hibrid versiyası da peyda olacaq: hibrid aqreqatın ümumi gücü 334 at qüvvəsi, yürüş məsafəsi isə, 1020 kilometr olacaq.

Koreyalı jurnalistlər həmçinin daxili bazarda Hyundai Palisade modelinin üç təchizat səviyyəsində təklif olunacağını müəyyən ediblər: Exclusive, Prestige və Calligraphy.

Onların dəqiq tərkibi hələlik məlum deyil. Seçmək üçün altı kuzov rəngi (onların əksəriyyəti mirvari çalarındadır), və dörd daxili tərtibat variantı (boz, tünd göy, bej və qara) mövcuddur.

Nəhayət, Koreya bazarında qiymətlər məlum olub. Yeni Palisade modelinin qiyməti 42,5 milyon ilə 57,5 milyon von (29,500-40,000 dollar) arasında olacaq. Müqayisə üçün: təqaüdə çıxan krossoverin qiyməti indi 38,96 - 54,91 milyon von (27 100-38 200 dollar) arasındadır.

Bu məlumatın nə dərəcədə doğru olduğu tezliklə bilinəcək: yeni modelin tam ölçülü premyerası dekabrın sonuna qədər baş tutmalıdır. Cənubi Koreyada satışların başlanması 2025-ci ilin əvvəlinə planlaşdırılıb.

Kaira Agayeva 

Finss.az