Yaponiyanın avtomobil nəhəngi “Toyota”, təşkil etdiyi tədbirdə “Urban Cruiser” adlı yeni kompakt SUV modelini təqdim etdi.

Finss.az xəbər verir ki, tamamilə elektrik konstruksiyasına malik olan avtomobil gələn ilin üçüncü rübündə ilk olaraq Böyük Britaniyada olmaqla bütün Avropada satışa çıxarılacaq.

“Yaris Cross” modelindən 13 santimetr uzun olan “Toyota Urban Cruiser” çox sərt xətlərə malikdir. Müasir dizayn dilinin istifadə edildiyi avtomobildə zolaqlı LED dəstəkli faralar diqqətimizi çəkən ilk dizayn detalları arasındadır. Avtomobilin arxa hissəsində, LED-lər tərəfindən dəstəklənən bara bənzəyən bir işıqlandırma dizaynı ilə qarşılaşırıq.

“Toyota Urban Cruiser”in daxili dizaynı da pis deyil. Tək paneldə 10,25 düymlük tam rəqəmsal ekran və 10,1 düymlük multimedia ekranı olan avtomobilin mərkəzi konsolda bir neçə düyməsi var. “Toyota”nın açıqlamasına görə, “Urban Cruiser2in ətraf işıqlandırması 12 fərqli rəng seçimi təklif edir.

“Toyota” tərəfindən edilən açıqlamaya görə, “Urban Cruiser” FWD və AWD versiyalarına sahib olacaq. FWD versiyasında 106 kVt və 128 kVt gücündə iki fərqli mühərrik variantı təklif ediləcək. Kiçik mühərrik 49 kVt/saat tutumlu akkumulyatorla, böyük mühərrik isə 61 kVt/saat tutumlu akkumulyatorla birləşdiriləcək.

AWD versiyasında 135 kVt gücə və 300 Nm fırlanma anına malik daha təkmil mühərrik variantı təklif ediləcək. Bu mühərrik variantı həmçinin 61 kVt/saat tutumlu akkumulyatorla birləşdiriləcək. Avtomobilin uçuş məsafəsinin təxminən 400 kilometr olacağı gözlənilir.

Kaira Agayeva 

Finss.az