Finss.az xəbər verir ki, Çinin əsas elektrik avtomobili (EV) istehsalçıları, Avropa bazar paylarını genişləndirməyə davam edərkən, Aİ-nin elektrikli nəqliyyat vasitələrinə artan tariflərindən qaçmağın bir yolunu tapmış ola bilər.

BYD, “Geely” və dövlətə məxsus SAIC kimi şirkətlər hibrid avtomobillərin Aİ tariflərinə tabe olmadığı üçün Aİ-yə hibrid avtomobillərin ixracını artırır. Hibrid avtomobillərdə həm elektrik batareyaları, həm də daxili yanma mühərrikləri istifadə olunur.

Digər Çin avtomobil istehsalçıları da tariflərin dəyərini və təsirini daha da azaltmaq üçün montaj və istehsal müəssisələrini qitəyə köçürdülər.

Çin hibrid avtomobillərinin həm Yapon, həm də Avropa modelləri üçün çətin rəqabət aparacağı gözlənilir. “Toyota”, “Honda” və “Nissan” kimi şirkətlərin satışları bu səbəbdən qismən azalıb. “Volkswagen” kimi Avropa avtomobil istehsalçıları da bu vəziyyətdən təsirlənir.

Kaira Agayeva 

Finss.az