Azərbaycanda avtomobil bazarında satılan KIA Cerato modellərinin bazar qiymətləri 6.300 manatdan 45.500 manatdək təşkil edir.

Fins.az xəbər verir ki, bazarda təklif olunan 6.300 manat dəyərində avtomobilin göstəriciləri: buraxılışı ili 2008, mühərrik həcmi  1.6 L, yanacaq növü benzin, maksimal yürüş 287.300 km və ban növü sedan.

45.500 manat dəyərində avtomobilin göstəriciləri: buraxılışı ili 2023, mühərrik həcmi  2.0 L, yanacaq növü benzin, maksimal yürüş 18.000 km və ban növü sedan.

Ümumiyyətlə, bazarda KIA Cerato modellərinin əsasən mühərrik həcmi 3 növdə (1.6 L, 1.8 L və 2.0 L) təklif olunur.

KIA Cerato modellərini həm kredit, həm də barter şərtləriylə əldə etmək mümkündür.

Qeyd edək ki, avtomobillərin göstərilən qiymətləri 2024-cü ilin iyul ayını əks etdirir.

KIA Cerato bəzi bazarlarda KIA Forte kimi də tanınan, KIA Motors tərəfindən istehsal edilən kompakt bir avtomobildir. İlk dəfə 2003-cü ildə təqdim edilib və o zamandan bəri bir neçə nəsil yenilənib. KIA Cerato sedan, hatchback və coupe ban növləri mövcuddur. Avtomobilin 1.6 L, 2.0 L və daha güclü GT versiyasında 1.6 L turbocharged mühərrik variantları,  o cümlədən, avtomatik və mexaniki sürət qutusu seçimləri var.

Avtomatik əyləc sistemi, adaptiv kruiz-kontrol, kor nöqtə monitorinqi və s. kimi inkişaf etmiş təhlükəsizlik sistemləri ilə təchiz olunub.

KIA Ceratonun əsas rəqibləri: Hyundai Elantra, Toyota Corolla, Honda Civic və Mazda 3.

KIA Cerato performans, dizayn və texnologiya baxımından müasir standartlara cavab verir və kompakt avtomobil sinfində yaxşı bir seçim hesab olunur. Son nəsil modellər xüsusi ilə yüksək texnologiya və təhlükəsizlik təchizatı ilə fərqlənir.

Fuad Mədətov
Fins.az